«Альфа Телеком» (Mega) ЖАК боюнча мамлекеттин пландары өзгөргөн жок. Бул тууралуу президенттин маалымат катчысы Эрбол Султанбаев билдирди.
Анын айтымына караганда, учурда компанияга аукцон жарыяланды, ага КРнын Мамлекеттик өнүктүрүү банкы катышып, уюлдук операторду сатып алууну пландоодо.
«Муну менен компания мамлекеттин карамагында калып, өлкөнүн экономикасынын өнүгүүсүнө өз салымын кошуусун улантат. Мындан тышкары, башкаруучунун алмашуусу калк үчүн кызмат көрсөтүүлөрдүн сапатын жакшыртууга алып келери күтүлүүдө», – деди ал.
Буга чейин MEGA компаниясы аукционго коюлганы жана анын баштапкы баасы 14,6 миллиард сом (166 миллион доллар) экендиги маалымдалган.
