Бүгүн, 24-ноябрда УКМК төрагасы Камчыбек Ташиев Базар-Коргон районунун Акман айылынын 25 жаштагы тургуну Сыймык Алмазбек уулуна туулгандыгы тууралуу күбөлүгү менен паспортун берди. Бул тургун ушул күнгө чейин өздүгүн тастыктоочу документтерин ала албай жүргөнүн айтып, Камчыбек Ташиевге кайрылган болчу.
Үй бүлөлүк шартына байланыштуу документтерге ээ боло албай келген Сыймык Алмазбек уулунун эми өздүгүн тастыктоочу документтери колуна тийди. Камчыбек Ташиев ага мындан ары ак эмгектенип, жашоосун жакшы өткөрүүгө аракет кылуу керектигин айтып, ийгиликтерди каалады.
