Оштогу мектепте чоң класстар тарабынан окуучулар сабалган окуя боюнча мугалимдер жазасын алды. Бул тууралуу Билим берүү министрлигинен билдиришти.
Өзгөн районуна караштуу Ж. Мойдунов атындагы № 11 орто мектебиндеги окуучулар арасындагы пикир келишпестик 17-майда сабактан тышкаркы мезгилде тыт талаасында болгон. Анда окуучулар арасындагы конфликт видео тасмага тартылып, социалдык тармактарда тарап кеткен.
Бул окуяга байланыштуу Өзгөн райондук Билим берүү башкармалыгы тарабынан комиссия, ата-энелер менен бирге кылмыштуулуктун алдын алуу боюнча бир нече мугалимге карата тийиштүү чара колдонулган.
«Мектепте жетишсиз тарбиялык иштерин алып баргандыгы үчүн Жакыпова А. “ Сөгүш”, мектептин социалдык педагогу Кулмаматова Г., 8 ”а” класстын класс жетекчиси Умаралиева Г., 8 “б” класстын класс жетекчиси Абдырахманова Р., 9 “б” класстын класс жетекчиси К. “Эскертүү” жазасын алды»- деп берилет билдирүүдө.
