22-24-июнь күндөрү нөшөрлөгөн жамгыр, жаан-чачындан улам тоолуу аймактарда, тоо этектеринде сел жүрүп, дарыяларда суунун деңгээли жогорулашы ыктымал. Мындай чукул кабарды Өзгөчө кырдаалдар министрлиги таратты.
Мындан улам, коопсуздук чаралары сакталышы зарыл. Жергиликтүү калк жана мекеме-ишканалар, уюмдар (менчигинин түрүнө карабастан) арыктарды, суу өткөрүү түтүктөрүн, ошондой эле дренаждык түйүндөрдү тазалоо иш-чараларын жүргүзүшү керек экенидиги эскертилди.
Кыргызстанда жаз жана жайдын алгачкы айы жаанчыл болгондуктан өлкөнүн дээрлик бардык аймагында сел жүрүп, бир топ турак жай жарактан чыкты. Короолор, жолдор жана көпүрөлөр бузулуп, ондогон гектар айдоо аянтын сел жууп кетти. Табигый кырсыктын кесепети толук такталып-эсептелип бүтө элек.
