Түркияда Эгемендүүлүктүн 30 жылдыгына карата Азербайжан, Казакстан, Кыргызстан, Өзбекстан, Түркмөнстандын саясий — экономикалык, маданий-гуманитардык маселелелерине байланышкан иш-чара өтүп жатат. Ачылыш салтанатында Турк мамлекеттеринин кызматташтык Кеңешинин атынан Кыргыз Республикасынын маданиятына эмгек сиңирген ишмер Султан Раев сөз сүйлөдү. Бул тууралуу ал өзүнүн Facebook баракчасына жазды.
Анын айтымында, салтанаттуу иш-чара Турк мамлекетинин жана эл аралык уюмдардын колдоосу менен өтүп жатат.
“Алдыда бир топ олуттуу иш-чаралар өтөт. Түрк мамлекеттеринин боордоштугун, бир туугандыгын чагылдырган бул окуялар элдерибиздин интеграциялык байланыштарына көпүрө, чоң өбөлгө. Кече Анкарада Түркмөнстандын көз карандысыздыгынын 30 жылдыгына карата Анкарадагы Улуттук китепканда көргөзмө уюшулду”, — деп жазат Раев.