Нарын шаарындагы Алма-Бак сейил багынын ичине С.Бекмамбетов атындагы спорт мектебине караштуу күрөш менен машыктыруучу комплекс курулат.
Бүгүн бул комплекстин курулушуна УКМКнын төрагасы Камчыбек Ташиев капсула салды. Ал жаштардын спортко болгон кызыгуусун жогорулатуу максатында, тийиштүү шарттарды түзүү зарылдыгын белгиледи.
Эки кабат болуп салына турчу спорт комплекстин бийиктиги 3,3 метр, узун-туурасы 18-48 метр болот. Биринчи кабатында үч күрөшүү үчүн килемдер, чечинүүчү, жуунучу жай, медициналык бөлмө жана машыгуучу зал жайгашат. Ал эми экинчи кабатында машыктыруучулар үчүн бөлмөлөр болот. Учурда курулуштун долбоору даярдалууда. Комплексти 2025-жылдын сентябрь айына ишке берүү мерчемделүүдө.
Өз кезегинде Ташиев күрөш залынын курулуш иштерин дыкат көзөмөлгө алуу менен, сапаттуу кылып бүткөрүүнү тапшырды.
