«Йакын-Инкар» диний-экстремисттик кыймылынын активдүү мүчөлөрү жашаган даректерде тинтүү иштери жүргүзүлдү. Бул тууралуу УКМК билдирет.
76 материал табылып, 51 китеп, 10 жарнамалык журнал, 2 телефон, 3 DVD диск, 3 кассета жана 5 флеш-карта алынды.
Табылган китептердин айрымдары Кыргызстандын аймагында тыюу салынган «Йакын-Инкар» диний-экстремисттик агымына таандык. Алынган предметтер Мамлекеттик соттук-эксперттик кызматына тиешелүү экспертизага жөнөтүлүп, жыйынтыгы боюнча «Йакын Инкар» диний-экстремисттик кыймылынын активдүү мүчөлөрүнө карата Кылмыш-жаза мыйзамдарына ылайык укуктук чаралар көрүлөт.
Аталган кыймылдын мүчөлөрүнүн бири А.А. «Йакын Инкар» диний-экстремисттик кыймылынын радикалдык-экстремисттик идеологиясынын зыяндуулугун толук түшүнүп, мындан ары аталган уюмга мүчөлүктөн өз ыктыяры менен баш тартты.
