Казакстандын Алматы шаарында өткөн «Найза-51» турниринде Кыргызстандык мушкер Бусурманкул Абдибаит уулу атаандашы бразилиялык Элвис Мартинсти жеңди.
Ал жеңишинен кийин бир жума мурда атасы каза болгонун айтып, жеңишти атасына арнай турганын айтты.
«Бир апта мурун атамды жерге бердим. Мага мушташка даярдануу абдан оор болду. Таймашка чыгам деп чечтим, анткени бул менин карьерамдагы маанилүү беттештердин бири. Мен жеңишимди атама арнайм. Мени колдогондорго ыраазымын», — деди ал.
Бусурманкул Абдибаит уулу дүйнөлүк деңгээлдеги спортчулардын катарында турат. WEF Global, M-1 Global, Eagle FC уюмдарында беттешип, чемпиондук кур тагынган.
