Президенттин маалымат катчысы Аскат Алагөзов Россияда тигүү тармагында иштеп жүргөн кыз-келиндерди, курулуштагы эркектерди Кыргызстанга келип иштөөгө чакырды.
Ал учурда аталган тармактарда жумушчу күч жетишпей жатканына токтолгон.
«Азыркы тапта Кыргызстанда тигүү тармагында да, курулушта да жумушчу күчтөрү жетишпей жатат. Албетте, сиздерди кызыктырган эмгек акы-маяналар Россияда иштеп тапкан менен бирдей эле болот. Эң башкысы Ата Мекениңерде, өз үй-бүлөңөрдүн жанында иштеген жакшы эмеспи. Келиңиздер, өз жерибизде иштеңиздер»,- деди ал.
Байланышып, суроолор жаралса жооптор бериле турган төмөнкү телефон номерлерди да калтырган: 1899 (Кыргызстан ичиндеги чалууларга) жана 0559189900 (WhatsApp).
