Жогорку Кеңештин бүгүнкү жыйынында депутат Камила Талиева ыш менен күрөштү күчөтүү зарылдыгын айтып, учурда борбор калаадагы ыш боюнча абал абдан татаал экенин баса белгиледи.
«Азыр биздин калаадагы абалды караңызчы. Дем ала албайт адам. Ушул ыштын маселесин Коопсуздук кеңешинде айтып, малекеттик органдар, ЖМК менен көйгөйдү көтөрүү керек. Бул боюнча сиз коңгуроо кагышыңыз керек. Биз Жогорку Кеңеште 2025-жылда ыш менен күрөшүү, экология жылы дейбизби, айтор, аракет кылбасак абалыбыз оор. Мындай кете турган болсок кары-картаңдарды оорутуп алабыз. Ыш эмне деген гана ооруларды козгоп, күчөтүүдө. Алдын алуучу иш-чара уюштурбайсыңарбы» — деди Талиева.
Буга саламаттык сактоо министри Алымкадыр Бейшеналиев түтүндүн таасири боюнча эки жылдан бери изилдөө жүрүп жатканын белгиледи. Ал ошондой эле ыш респиратордук оорулардын күч алышына таасир этип жатканын, бул багытта мамлекеттик программа боюнча иш жүрүп жатканын кошумчалады.
Посмотреть эту публикацию в Instagram
