Президент Садыр Жапаров “КР Саламаттык сактоо министрлигине караштуу Травматология жана ортопедия улуттук борборун түзүү жөнүндө” Жарлыкка кол койду.
Жарлыкка ылайык, Саламаттык сактоо системасынын сапатын жогорулатуу, КРнын калкына адистештирилген медициналык жардамдын жеткиликтүүлүгүн камсыз кылуу максатында, ошондой эле таяныч-кыймыл аппаратынын жаракаттарын жана ооруларын дарылоо жана реабилитациялоо системасын өркүндөтүү үчүн, Конституциянын 70, 71-беренелерин жетекчиликке алып, токтом кылынат:
1. Министрлер Кабинети үч айлык мөөнөттө: 1) Саламаттык сактоо министрлигине караштуу Травматология жана ортопедия улуттук борборунун уставын иштеп чыксын жана бекитсин; 2) Бул Жарлыктан келип чыгуучу башка чараларды көрсүн.
