Бүгүн, 24-сентябрда «Манас» эл аралык аэропортунда боордош Түркиядан келишкен атактуу блогерлерди тосуп алуу аземи өттү.
«Боордош, бир тууган Түркия элинин атактуу, миллиондук катталуучулары бар блогерлери Кыргызстанга келип отурушат. Конокторубуз 24-27-сентябрь күндөрү өлкөбүздүн бардык туристтик жайларын көрүшүп, элибиздин меймандостугу менен таанышышат. Мындай достук иш-чара президентибиз Садыр Жапаров менен Түркиянын президенти Реджеп Тайип Эрдогандын түзгөн жылуу, бир-туугандык мамилелеринин жемиши болуп отурат. Анткени, бул атактуу блогерлер түрк элине керемет жаратылышыбызды, маданиятыбызды, меймандостугубузду көргөзүү менен туризмдин өнүгүшүнө чоң салым кошуп, Кыргызстанды дүйнөгө ачып беришмекчи»,- деп билдирди «Манас» аэропортунун төрагасы Манасбек Самидинов.
Бул визит Кыргызстан менен Түркиянын ортосундагы туристтик байланыштарды чыңдоого, ошондой эле өлкөбүздү эл аралык аренага таанытууда маанилүү кадам болуп саналат.
