Ош шаарында Тарых жана ата-бабаларды эскерүү күндөрүнө карата ата-бабалардын элесине таазим этип, мамлекеттик ишмерлердин эстеликтерине гүл коюлду. Бул тууралуу мэриянын басма сөз кызматынан билдиришти.
Эскерүү иш-чарасына Ош шаарынын мэринин орун басарлары, мэриясынын өкүлдөрү, легендарлуу парламенттин депутаттары, мекеме-ишканалардын жетекчилери, Ош гарнизонунун аскер кызматкерлери, шаар тургундары катышты.
Эскерүү иш-чарасынын алкагында «Өчпөс от» мемориалдык комплексинин жанына гүл коюлуп, бир мүнөт унчукпай туруу болду.
Белгилей кетсек, 7-8-ноябрда өлкөдө Тарых жана ата-бабаларды эскерүү күндөрү белгиленет. Майрам 2017-жылы негизделген.
